هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تسعين جنيه

اذهب الى الأسفل

تسعين جنيه Empty تسعين جنيه

مُساهمة  old_wolf32 السبت يوليو 31, 2010 11:54 pm

التذكره بتسعين جنيه علشان اشوف رأس السنه

وانا جيبى لو حسس عليه نشال قديم حيتوب سنه

وانا جيبى غير كل الجيوب انا جيبى واسع كالجراب

ونضيف وخالى من العيوب لكنى شايل فيه كتاب

وانا يا جماعه مش غريب انا واد اديب لكن أبى

انا ف الادب زجال أريب والستر دينى ومذهبى

والشعر فى العصر الغبى ما بقاش يأكل عيش خلاص

بقى بحر موجه لولبى خاضع لاهل الاختصاص

واللى بتلحق تكتبه وتركبه ع التفعيلات

تلحق بسرعه تشطبه قبل النكد والاشكالات

والتذكره بتسعين جنيه رسم احتفال رأس السنه

ونا جيبى لو حس عليه نشال قديم حيتوب سنه

دنا جيبى مليان شعر حر بيبشر الناس بالهنا

ولو ان طعم القافيه مر لكن دا اسلوبى انا

ونا اصلى غاوى معننه والشعر دائى وقسمتى

ودماغى مليان دندنه باظبط عليها قافيتى

مستفعلن مستفعلن والصدر من بحر العجز

ونا بحرى دايما كاملن لكن دا مجزوء الرجز

شاعر وجيبى من الفلس شايل بطاقه مزوره

والفقر لبسنى ملس واغلب قصايدى نقوره

وعشان بفكر مش بنام وتملى سهران فى قلق

وان جتلى فكره بقوم قوام فى الضلمه ابحث عن ورق

وف شهر ديسمبر باموت م البرد واتشائم واخاف

له زهايمر ساقع يفوت ف العضم من تحت اللحاف

وعشان كدا طول الشتا تلقانى لابد فى السرير

والبطانيه مكلفته محسوبك العبد الفقيـــــــــــــر

والتذكره بتسعين جنيه ونا جيب فيه ميت تذكره

اتوبيس ترامواى بس ايه ما بينفعوش فى المسخره

وكمان انا ما قطعتهمش انا بس غاوى المهم

والكمساريه ما احبهمش وتملى غاوى اخمهم

والتذكره بتسعين جنيه رسم دخول من غير عشا

يعنى اللى راح اندم عليه هو السهر والفرفشه

والبيت دفا والنوم عفا والبرد لحاس القفا

والسهره بره البيت جفا ولاغلب الاسباب كفى

ايه دا اللى يغصبنى بقى على سهره مش عارف بكام

والنيه عندى ملقلقه واكيد اكيد هاخود زكام

والتذكره بتسعين جنيه ونا جيبى فيه ميت تذكره

اتوبيس ترامواى بس اسه ما بينفعوش فى المسخره
[b]



عبد الحق عبد العظيم

old_wolf32

عدد المساهمات : 5
تاريخ التسجيل : 30/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى