مونولوج مصري: الفلاحين

منولوج مصري

***

الفلاحين

***

مصر الأمان
مصر الحضارة
مصر المنارة
طول السنين


الفرس جونا
سرءـوا حضارة
وءـالوا علينا
الفلاحين

***

والروم غزونا
ومسحوا حضارة
ونسينا احنا
ان اللي بينا
أكبر وأعظم
من الحضارة
***
دا المصري يا ابني
هو الحضارة
هو المنارة
منين يسافر
والا يهاجر
تلـءـاه منور
تلـءـاه يعمر
ومخه نادر
أمره يحير

طب (دولا مين؟
ودولا مين؟
دولا ولاد الفلاحين!)
الأصل هما
والفصل هما
همه الي عاشوا
متغربين
حتى ف بلدهم
عايشين يكافحوا
وبرضه فيها
متغربين

***
جونا الأجانب
والحـءـد غالب
ءـالوا علينا
الفلاحين.

وهي بلدي
أم المداين
والزرع الاخصر
والنيل بيجري
من غير فلاحة
وفلاحين
طب ايه تكون؟

ماهي الفلاحة
من ءـبل يوسف
وبعد يوسف
ياما احتاجولها
المنكوبين
***
ييجو يشيلوا
ملو الزكايب
من خير بلادي
ومن عرءـنا
يا الفلاحين

طول عمر بلدي
وابن بلدي
يهوى الفلاحة
والفلاحين

في الأرض يزرع
والخير ينور
في الجيش بيخدم
والله أكبر


من دم ءـلبه
يروي ترابك
يامه ياغالية
لجل الحضارة
لجل الأمان

***

شهم ومكافح
وعـِرْءـه نافح
ولا شيء يهمه
والهم طافح

سعيدسليمان
قويسنا في 09 04 2010